atra śūrā mahēṣvāsā bhīmārjunasamā yudhi.
yuyudhānō virāṭaśca drupadaśca mahārathaḥ৷৷1.4৷৷
श्रीमद् भगवद्गीता
1.4 Sri Sankaracharya did not comment on this sloka. The commentary starts from 2.10.
৷৷1.4৷৷dhṛtarāṣṭra uvāca sañjaya uvāca duryōdhanaḥ svayamēva bhīmābhirakṣitaṅ pāṇḍavānāṅ balam ātmīyaṅ ca bhīṣmābhirakṣitaṅ balam avalōkya ātmavijayē tasya balasya paryāptatām ātmīyasya balasya tadvijayē cāparyāptatām ācāryāya nivēdya antarē viṣaṇṇaḥ abhavat. tasya viṣādam ālōkya bhīṣmaḥ tasya harṣaṅ janayituṅ siṅhanādaṅ śaṅkhādhmānaṅ ca kṛtvā śaṅkhabhērīninādaiḥ ca vijayābhiśaṅsinaṅ ghōṣaṅ ca akārayat. tataḥ taṅ ghōṣam ākarṇya sarvēśvarēśvaraḥ pārthasārathī rathī ca pāṇḍutanayaḥ trailōkyavijayōpakaraṇabhūtē mahati syandanē sthitau trailōkyaṅ kampayantau śrīmatpāñcajanyadēvadattau divyau śaṅkhau pradadhmatuḥ. tatō yudhiṣṭhiravṛkōdarādayaḥ ca svakīyān śaṅkhān pṛthak pṛthak pradadhmuḥ. sa ghōṣō duryōdhanapramukhānāṅ sarvēṣām ēva bhavatputrāṇāṅ hṛdayāni bibhēda. adya ēva naṣṭaṅ kurūṇāṅ balam iti dhārttarāṣṭrā mēnirē. ēvaṅ tadvijayābhikāṅkṣiṇē dhṛtarāṣṭrāya saṅjayaḥ akathayat.
atha yuyutsūn avasthitān dhārtarāṣṭrān bhīṣmadrōṇapramukhān dṛṣṭvā laṅkādahanavānaradhvajaḥ pāṇḍutanayō jñānaśaktibalaiśvaryavīryatējasāṅ nidhiṅ svasaṅkalpakṛtajagadudayavibhavalayalīlaṅ hṛṣīkēśaṅ parāvaranikhilajanāntarbāhyasarvakaraṇānāṅ sarvaprakārakaniyamanē avasthitaṅ samāśritavātsalyavivaśatayā svasārathyē avasthitaṅ yuyutsūn yathāvat avēkṣituṅ tadīkṣaṇakṣamē sthānē rathaṅ sthāpaya iti acōdayat.