śrī bhagavānuvāca
imaṅ vivasvatē yōgaṅ prōktavānahamavyayam.
vivasvān manavē prāha manurikṣvākavē.bravīt৷৷4.1৷৷
श्रीमद् भगवद्गीता
৷৷4.1৷৷ imam adhyāyadvayēnōktaṅ yōgaṅ vivasvatē ādityāya sargādau prōktavān ahaṅ jagatparipālayitṛṇāṅ kṣatriyāṇāṅ balādhānāya tēna yōgabalēna yuktāḥ samarthā bhavanti brahma parirakṣitum. brahmakṣatrē paripālitē jagat paripālayitumalam. avyayam avyayaphalatvāt. na hyasya yōgasya samyagdarśananiṣṭhālakṣaṇasya mōkṣākhyaṅ phalaṅ vyēti. sa ca vivasvān manavē prāha. manuḥ ikṣvākavē svaputrāya ādirājāya abravīt৷৷
৷৷4.1৷৷śrī bhagavānuvāca yaḥ ayaṅ tava uditō yōgaḥ sa kēvalaṅ yuddhaprōtsāhanāya idānīm udita iti na mantavyam. manvantarādau ēva nikhilajagaduddharaṇāya paramapuruṣārthalakṣaṇamōkṣasādhanatayā imaṅ yōgam aham ēva vivasvatē prōktavān. vivasvān ca manavē manuḥ ikṣvākavē iti ēvaṅ sampradāyaparamparayā prāptam imaṅ yōgaṅ pūrvē rājarṣayō viduḥ. sa mahatā kālēna tattacchrōtṛbuddhimāndyād vinaṣṭaprāyaḥ abhūt.