मूल श्लोकः
શ્રી ભગવાનુવાચ
મય્યાસક્તમનાઃ પાર્થ યોગં યુઞ્જન્મદાશ્રયઃ।
અસંશયં સમગ્રં માં યથા જ્ઞાસ્યસિ તચ્છૃણુ।।7.1।।
श्रीमद् भगवद्गीता
मूल श्लोकः
જ્ઞાનં તેહં સવિજ્ઞાનમિદં વક્ષ્યામ્યશેષતઃ।
યજ્જ્ઞાત્વા નેહ ભૂયોન્યજ્જ્ઞાતવ્યમવશિષ્યતે।।7.2।।
मूल श्लोकः
મનુષ્યાણાં સહસ્રેષુ કશ્િચદ્યતતિ સિદ્ધયે।
યતતામપિ સિદ્ધાનાં કશ્િચન્માં વેત્તિ તત્ત્વતઃ।।7.3।।
मूल श्लोकः
ભૂમિરાપોનલો વાયુઃ ખં મનો બુદ્ધિરેવ ચ।
અહઙ્કાર ઇતીયં મે ભિન્ના પ્રકૃતિરષ્ટધા।।7.4।।
मूल श्लोकः
અપરેયમિતસ્ત્વન્યાં પ્રકૃતિં વિદ્ધિ મે પરામ્।
જીવભૂતાં મહાબાહો યયેદં ધાર્યતે જગત્।।7.5।।
मूल श्लोकः
એતદ્યોનીનિ ભૂતાનિ સર્વાણીત્યુપધારય।
અહં કૃત્સ્નસ્ય જગતઃ પ્રભવઃ પ્રલયસ્તથા।।7.6।।
मूल श्लोकः
મત્તઃ પરતરં નાન્યત્કિઞ્ચિદસ્તિ ધનઞ્જય।
મયિ સર્વમિદં પ્રોતં સૂત્રે મણિગણા ઇવ।।7.7।।
मूल श्लोकः
રસોહમપ્સુ કૌન્તેય પ્રભાસ્મિ શશિસૂર્યયોઃ।
પ્રણવઃ સર્વવેદેષુ શબ્દઃ ખે પૌરુષં નૃષુ।।7.8।।
मूल श्लोकः
પુણ્યો ગન્ધઃ પૃથિવ્યાં ચ તેજશ્ચાસ્મિ વિભાવસૌ।
જીવનં સર્વભૂતેષુ તપશ્ચાસ્મિ તપસ્વિષુ।।7.9।।
मूल श्लोकः
બીજં માં સર્વભૂતાનાં વિદ્ધિ પાર્થ સનાતનમ્।
બુદ્ધિર્બુદ્ધિમતામસ્મિ તેજસ્તેજસ્વિનામહમ્।।7.10।।
मूल श्लोकः
બલં બલવતામસ્મિ કામરાગવિવર્જિતમ્।
ધર્માવિરુદ્ધો ભૂતેષુ કામોસ્મિ ભરતર્ષભ।।7.11।।
मूल श्लोकः
યે ચૈવ સાત્ત્વિકા ભાવા રાજસાસ્તામસાશ્ચ યે।
મત્ત એવેતિ તાન્વિદ્ધિ નત્વહં તેષુ તે મયિ।।7.12।।
मूल श्लोकः
ત્રિભિર્ગુણમયૈર્ભાવૈરેભિઃ સર્વમિદં જગત્।
મોહિતં નાભિજાનાતિ મામેભ્યઃ પરમવ્યયમ્।।7.13।।
मूल श्लोकः
દૈવી હ્યેષા ગુણમયી મમ માયા દુરત્યયા।
મામેવ યે પ્રપદ્યન્તે માયામેતાં તરન્તિ તે।।7.14।।
मूल श्लोकः
ન માં દુષ્કૃતિનો મૂઢાઃ પ્રપદ્યન્તે નરાધમાઃ।
માયયાપહૃતજ્ઞાના આસુરં ભાવમાશ્રિતાઃ।।7.15।।
मूल श्लोकः
ચતુર્વિધા ભજન્તે માં જનાઃ સુકૃતિનોર્જુન।
આર્તો જિજ્ઞાસુરર્થાર્થી જ્ઞાની ચ ભરતર્ષભ।।7.16।।
मूल श्लोकः
તેષાં જ્ઞાની નિત્યયુક્ત એકભક્િતર્વિશિષ્યતે।
પ્રિયો હિ જ્ઞાનિનોત્યર્થમહં સ ચ મમ પ્રિયઃ।।7.17।।
मूल श्लोकः
ઉદારાઃ સર્વ એવૈતે જ્ઞાની ત્વાત્મૈવ મે મતમ્।
આસ્થિતઃ સ હિ યુક્તાત્મા મામેવાનુત્તમાં ગતિમ્।।7.18।।
मूल श्लोकः
બહૂનાં જન્મનામન્તે જ્ઞાનવાન્માં પ્રપદ્યતે।
વાસુદેવઃ સર્વમિતિ સ મહાત્મા સુદુર્લભઃ।।7.19।।
मूल श्लोकः
કામૈસ્તૈસ્તૈર્હૃતજ્ઞાનાઃ પ્રપદ્યન્તેન્યદેવતાઃ।
તં તં નિયમમાસ્થાય પ્રકૃત્યા નિયતાઃ સ્વયા।।7.20।।
मूल श्लोकः
યો યો યાં યાં તનું ભક્તઃ શ્રદ્ધયાર્ચિતુમિચ્છતિ।
તસ્ય તસ્યાચલાં શ્રદ્ધાં તામેવ વિદધામ્યહમ્।।7.21।।
मूल श्लोकः
સ તયા શ્રદ્ધયા યુક્તસ્તસ્યારાધનમીહતે।
લભતે ચ તતઃ કામાન્મયૈવ વિહિતાન્ હિ તાન્।।7.22।।
मूल श्लोकः
અન્તવત્તુ ફલં તેષાં તદ્ભવત્યલ્પમેધસામ્।
દેવાન્દેવયજો યાન્તિ મદ્ભક્તા યાન્તિ મામપિ।।7.23।।
मूल श्लोकः
અવ્યક્તં વ્યક્િતમાપન્નં મન્યન્તે મામબુદ્ધયઃ।
પરં ભાવમજાનન્તો મમાવ્યયમનુત્તમમ્।।7.24।।
मूल श्लोकः
નાહં પ્રકાશઃ સર્વસ્ય યોગમાયાસમાવૃતઃ।
મૂઢોયં નાભિજાનાતિ લોકો મામજમવ્યયમ્।।7.25।।
मूल श्लोकः
વેદાહં સમતીતાનિ વર્તમાનાનિ ચાર્જુન।
ભવિષ્યાણિ ચ ભૂતાનિ માં તુ વેદ ન કશ્ચન।।7.26।।
मूल श्लोकः
ઇચ્છાદ્વેષસમુત્થેન દ્વન્દ્વમોહેન ભારત।
સર્વભૂતાનિ સંમોહં સર્ગે યાન્તિ પરન્તપ।।7.27।।
मूल श्लोकः
યેષાં ત્વન્તગતં પાપં જનાનાં પુણ્યકર્મણામ્।
તે દ્વન્દ્વમોહનિર્મુક્તા ભજન્તે માં દૃઢવ્રતાઃ।।7.28।।
मूल श्लोकः
જરામરણમોક્ષાય મામાશ્રિત્ય યતન્તિ યે।
તે બ્રહ્મ તદ્વિદુઃ કૃત્સ્નમધ્યાત્મં કર્મ ચાખિલમ્।।7.29।।
मूल श्लोकः
સાધિભૂતાધિદૈવં માં સાધિયજ્ઞં ચ યે વિદુઃ।
પ્રયાણકાલેપિ ચ માં તે વિદુર્યુક્તચેતસઃ।।7.30।।