मूल श्लोकः
શ્રી ભગવાનુવાચ
ઇદં તુ તે ગુહ્યતમં પ્રવક્ષ્યામ્યનસૂયવે।
જ્ઞાનં વિજ્ઞાનસહિતં યજ્જ્ઞાત્વા મોક્ષ્યસેશુભાત્।।9.1।।
श्रीमद् भगवद्गीता
मूल श्लोकः
રાજવિદ્યા રાજગુહ્યં પવિત્રમિદમુત્તમમ્।
પ્રત્યક્ષાવગમં ધર્મ્યં સુસુખં કર્તુમવ્યયમ્।।9.2।।
मूल श्लोकः
અશ્રદ્દધાનાઃ પુરુષા ધર્મસ્યાસ્ય પરન્તપ।
અપ્રાપ્ય માં નિવર્તન્તે મૃત્યુસંસારવર્ત્મનિ।।9.3।।
मूल श्लोकः
મયા તતમિદં સર્વં જગદવ્યક્તમૂર્તિના।
મત્સ્થાનિ સર્વભૂતાનિ ન ચાહં તેષ્વવસ્થિતઃ।।9.4।।
मूल श्लोकः
ન ચ મત્સ્થાનિ ભૂતાનિ પશ્ય મે યોગમૈશ્વરમ્।
ભૂતભૃન્ન ચ ભૂતસ્થો મમાત્મા ભૂતભાવનઃ।।9.5।।
मूल श्लोकः
યથાકાશસ્થિતો નિત્યં વાયુઃ સર્વત્રગો મહાન્।
તથા સર્વાણિ ભૂતાનિ મત્સ્થાનીત્યુપધારય।।9.6।।
मूल श्लोकः
સર્વભૂતાનિ કૌન્તેય પ્રકૃતિં યાન્તિ મામિકામ્।
કલ્પક્ષયે પુનસ્તાનિ કલ્પાદૌ વિસૃજામ્યહમ્।।9.7।।
मूल श्लोकः
પ્રકૃતિં સ્વામવષ્ટભ્ય વિસૃજામિ પુનઃ પુનઃ।
ભૂતગ્રામમિમં કૃત્સ્નમવશં પ્રકૃતેર્વશાત્।।9.8।।
मूल श्लोकः
ન ચ માં તાનિ કર્માણિ નિબધ્નન્તિ ધનઞ્જય।
ઉદાસીનવદાસીનમસક્તં તેષુ કર્મસુ।।9.9।।
मूल श्लोकः
મયાધ્યક્ષેણ પ્રકૃતિઃ સૂયતે સચરાચરમ્।
હેતુનાનેન કૌન્તેય જગદ્વિપરિવર્તતે।।9.10।।
मूल श्लोकः
અવજાનન્તિ માં મૂઢા માનુષીં તનુમાશ્રિતમ્।
પરં ભાવમજાનન્તો મમ ભૂતમહેશ્વરમ્।।9.11।।
मूल श्लोकः
મોઘાશા મોઘકર્માણો મોઘજ્ઞાના વિચેતસઃ।
રાક્ષસીમાસુરીં ચૈવ પ્રકૃતિં મોહિનીં શ્રિતાઃ।।9.12।।
मूल श्लोकः
મહાત્માનસ્તુ માં પાર્થ દૈવીં પ્રકૃતિમાશ્રિતાઃ।
ભજન્ત્યનન્યમનસો જ્ઞાત્વા ભૂતાદિમવ્યયમ્।।9.13।।
मूल श्लोकः
સતતં કીર્તયન્તો માં યતન્તશ્ચ દૃઢવ્રતાઃ।
નમસ્યન્તશ્ચ માં ભક્ત્યા નિત્યયુક્તા ઉપાસતે।।9.14।।
मूल श्लोकः
જ્ઞાનયજ્ઞેન ચાપ્યન્યે યજન્તો મામુપાસતે।
એકત્વેન પૃથક્ત્વેન બહુધા વિશ્વતોમુખમ્।।9.15।।
मूल श्लोकः
અહં ક્રતુરહં યજ્ઞઃ સ્વધાહમહમૌષધમ્।
મંત્રોહમહમેવાજ્યમહમગ્નિરહં હુતમ્।।9.16।।
मूल श्लोकः
પિતાહમસ્ય જગતો માતા ધાતા પિતામહઃ।
વેદ્યં પવિત્રમોંકાર ઋક્ સામ યજુરેવ ચ।।9.17।।
मूल श्लोकः
ગતિર્ભર્તા પ્રભુઃ સાક્ષી નિવાસઃ શરણં સુહૃત્।
પ્રભવઃ પ્રલયઃ સ્થાનં નિધાનં બીજમવ્યયમ્।।9.18।।
मूल श्लोकः
તપામ્યહમહં વર્ષં નિગૃહ્ણામ્યુત્સૃજામિ ચ।
અમૃતં ચૈવ મૃત્યુશ્ચ સદસચ્ચાહમર્જુન।।9.19।।
मूल श्लोकः
ત્રૈવિદ્યા માં સોમપાઃ પૂતપાપા
યજ્ઞૈરિષ્ટ્વા સ્વર્ગતિં પ્રાર્થયન્તે।
તે પુણ્યમાસાદ્ય સુરેન્દ્રલોક-
મશ્નન્તિ દિવ્યાન્દિવિ દેવભોગાન્।।9.20।।
मूल श्लोकः
તે તં ભુક્ત્વા સ્વર્ગલોકં વિશાલં
ક્ષીણે પુણ્યે મર્ત્યલોકં વિશન્તિ।
એવ ત્રયીધર્મમનુપ્રપન્ના
ગતાગતં કામકામા લભન્તે।।9.21।।
मूल श्लोकः
અનન્યાશ્િચન્તયન્તો માં યે જનાઃ પર્યુપાસતે।
તેષાં નિત્યાભિયુક્તાનાં યોગક્ષેમં વહામ્યહમ્।।9.22।।
मूल श्लोकः
યેપ્યન્યદેવતા ભક્તા યજન્તે શ્રદ્ધયાન્વિતાઃ।
તેપિ મામેવ કૌન્તેય યજન્ત્યવિધિપૂર્વકમ્।।9.23।।
मूल श्लोकः
અહં હિ સર્વયજ્ઞાનાં ભોક્તા ચ પ્રભુરેવ ચ।
ન તુ મામભિજાનન્તિ તત્ત્વેનાતશ્ચ્યવન્તિ તે।।9.24।।
मूल श्लोकः
યાન્તિ દેવવ્રતા દેવાન્ પિતૃ઼ન્યાન્તિ પિતૃવ્રતાઃ।
ભૂતાનિ યાન્તિ ભૂતેજ્યા યાન્તિ મદ્યાજિનોપિ મામ્।।9.25।।
मूल श्लोकः
પત્રં પુષ્પં ફલં તોયં યો મે ભક્ત્યા પ્રયચ્છતિ।
તદહં ભક્ત્યુપહૃતમશ્નામિ પ્રયતાત્મનઃ।।9.26।।
मूल श्लोकः
યત્કરોષિ યદશ્નાસિ યજ્જુહોષિ દદાસિ યત્।
યત્તપસ્યસિ કૌન્તેય તત્કુરુષ્વ મદર્પણમ્।।9.27।।
मूल श्लोकः
શુભાશુભફલૈરેવં મોક્ષ્યસે કર્મબન્ધનૈઃ।
સંન્યાસયોગયુક્તાત્મા વિમુક્તો મામુપૈષ્યસિ।।9.28।।
मूल श्लोकः
સમોહં સર્વભૂતેષુ ન મે દ્વેષ્યોસ્તિ ન પ્રિયઃ।
યે ભજન્તિ તુ માં ભક્ત્યા મયિ તે તેષુ ચાપ્યહમ્।।9.29।।
मूल श्लोकः
અપિ ચેત્સુદુરાચારો ભજતે મામનન્યભાક્।
સાધુરેવ સ મન્તવ્યઃ સમ્યગ્વ્યવસિતો હિ સઃ।।9.30।।
मूल श्लोकः
ક્ષિપ્રં ભવતિ ધર્માત્મા શશ્વચ્છાન્તિં નિગચ્છતિ।
કૌન્તેય પ્રતિજાનીહિ ન મે ભક્તઃ પ્રણશ્યતિ।।9.31।।
मूल श्लोकः
માં હિ પાર્થ વ્યપાશ્રિત્ય યેપિ સ્યુઃ પાપયોનયઃ।
સ્ત્રિયો વૈશ્યાસ્તથા શૂદ્રાસ્તેપિ યાન્તિ પરાં ગતિમ્।।9.32।।
मूल श्लोकः
કિં પુનર્બ્રાહ્મણાઃ પુણ્યા ભક્તા રાજર્ષયસ્તથા।
અનિત્યમસુખં લોકમિમં પ્રાપ્ય ભજસ્વ મામ્।।9.33।।
मूल श्लोकः
મન્મના ભવ મદ્ભક્તો મદ્યાજી માં નમસ્કુરુ।
મામેવૈષ્યસિ યુક્ત્વૈવમાત્માનં મત્પરાયણઃ।।9.34।।