āpūryamāṇamacalapratiṣṭhaṅ
samudramāpaḥ praviśanti yadvat.
tadvatkāmā yaṅ praviśanti sarvē
sa śāntimāpnōti na kāmakāmī৷৷2.70৷৷
श्रीमद् भगवद्गीता
৷৷2.70৷৷
āpūryamāṇam adbhiḥ acalapratiṣṭham acalatayā pratiṣṭhā avasthitiḥ yasya tam acalapratiṣṭhaṅ samudram āpaḥ sarvatō gatāḥ praviśanti svātmasthamavikriyamēva santaṅ yadvat, tadvat kāmāḥ viṣayasaṅnidhāvapi sarvataḥ icchāviśēṣāḥ yaṅ puruṣam samudramiva āpaḥ avikurvantaḥ praviśanti sarvē ātmanyēva pralīyantē na svātmavaśaṅ kurvanti, saḥ śāntiṅ mōkṣam āpnō i, na itaraḥ kāmakāmī, kāmyanta iti kāmāḥ viṣayāḥ tān kāmayituṅ śīlaṅ yasya saḥ kāmakāmī, naiva prāpnōti ityarthaḥ৷৷
yasmādēvaṅ tasmāt
৷৷2.70৷৷yathā ātmanā ēva āpūryamāṇam ēkarūpaṅ samudraṅ nādēyā āpaḥ praviśanti, āsām apāṅ pravēśē api apravēśē vā samudrō na kañcana viśēṣam āpadyatē. ēvaṅ sarvē kāmāḥ śabdādiviṣayā yaṅ saṅyaminaṅ praviśanti indriyagōcaratāṅ yānti sa śāntim āpnōti. śabdādiṣu indriyagōcaratām āpannēṣu anāpannēṣu ca svātmāvalōkanatṛptyā ēva yō na vikāram āpnōti sa ēva śāntim āpnōti ityarthaḥ; na kāmakāmī, yaḥ śabdādibhirvikriyatē sa kadācid api na śāntim āpnōti.