arjuna uvāca
jyāyasī cētkarmaṇastē matā buddhirjanārdana.
tatkiṅ karmaṇi ghōrē māṅ niyōjayasi kēśava৷৷3.1৷৷
श्रीमद् भगवद्गीता
৷৷3.1৷৷ jyāyasī śrēyasī cēt yadi karmaṇaḥ sakāśāt ē tava matā abhiprētā buddhiḥ jñānaṅ hē janārdana. yadi buddhikarmaṇī samuccitē iṣṭē tadā ēkaṅ śrēyaḥsādhanamiti karmaṇō jyāyasī buddhiḥ iti karmaṇaḥ atiriktakaraṇaṅ buddhēranupapannam arjunēna kṛtaṅ syāt; na hi tadēva tasmāt phalatō.tiriktaṅ syāt. tathā ca, karmaṇaḥ śrēyaskarī bhagavatōktā buddhiḥ, aśrēyaskaraṅ ca karma kurviti māṅ pratipādayati, tat kiṅ nu kāraṇamiti bhagavata upālambhamiva kurvan at kiṅ kasmāt karmaṇi ghōrē krūrē hiṅsālakṣaṇē māṅ niyōjayasi kēśava iti ca yadāha, tacca nōpapadyatē. atha smārtēnaiva karmaṇā samuccayaḥ sarvēṣāṅ bhagavatā uktaḥ arjunēna ca avadhāritaścēt , 'tatkiṅ karmaṇi ghōrē māṅ niyōjayasi' (gītā 3.1) ityādi kathaṅ yuktaṅ vacanam৷৷kiñca
৷৷3.1৷৷arjuna uvāca yadi karmaṇaḥ buddhiḥ ēva jyāyasī iti ē matā kimarthaṅ tarhi ghōrē karmaṇi māṅ niyōjayasi? ētaduktaṅ bhavati-jñānaniṣṭhā ēva ātmāvalōkanasādhanam, karmaniṣṭhā tu tasyāḥ niṣpādikā, ātmāvalōkanasādhanabhūtā ca jñānaniṣṭhā sakalēndriyamanasāṅ śabdādiviṣayavyāpārōparatiniṣpādyā ityabhihitā. indriyavyāpārōparatiniṣpādyam ātmāvalōkanaṅ cēd siṣādhayiṣitam, sakalakarmanivṛttipūrvakajñānaniṣṭhāyām ēva ahaṅ niyōjayitavyaḥ; kimarthaṅ ghōrē karmaṇi sarvēndriyavyāpārarūpē ātmāvalōkanavirōdhini karmaṇi māṅ niyōjayasi iti.