ēṣā brāhmī sthitiḥ pārtha naināṅ prāpya vimuhyati.
sthitvā.syāmantakālē.pi brahmanirvāṇamṛcchati৷৷2.72৷৷
श्रीमद् भगवद्गीता
৷৷2.72৷৷
ēṣā yathōktā brāhmī brahmaṇi bhavā iyaṅ sthitiḥ sarvaṅ karma saṅnyasya brahmarūpēṇaiva avasthānam ityētat. hē pārtha, na ēnāṅ sthitiṅ prāpya labdhvā na vimuhyati na mōhaṅ prāpnōti. sthitvā asyāṅ sthitau brāhmyāṅ yathōktāyāṅ antakālē.pi antyē vayasyapi brahmanirvāṇaṅ brahmanirvṛtiṅ mōkṣam ṛcchati gacchati. kimu vaktavyaṅ brahmacaryādēva saṅnyasya yāvajjīvaṅ yō brahmaṇyēva avatiṣṭhatē sa brahmanirvāṇamṛcchati iti৷৷
iti śrīmatparamahaṅsaparivrājakācāryasya śrīgōvindabhagavatpūjyapādaśiṣyasya
śrīmacchaṅkarabhagavataḥ kṛtau śrīmadbhagavadgītābhāṣyē
dvitīyō.dhyāyaḥ৷৷
৷৷2.72৷৷ ēṣā nityātmajñānapūrvikā asaṅgakarmaṇi sthitiḥ sthitadhīlakṣaṇā brāhmī brahmaprāpikā. īdṛśīṅ karmasthitiṅ prāpya na vimuhyati na punaḥ saṅsāram āpnōti. asyāṅ sthityām antimē api vayasi sthitvā brahma nirvāṇam ṛcchati nirvāṇamayaṅ brahma gacchati, sukhaikatānam ātmānam āpnōti ityarthaḥ.
ēvam ātmayāthātmyaṅ yuddhākhyasya ca karmaṇaḥ tatprāptisādhanatām ajānataḥ śarīrātmajñānēna mōhitasya tēna ca mōhēna yuddhāt nivṛttasya tanmōhaśāntayē nityātmaviṣayā sāṅkhyabuddhiḥ tatpūrvikā ca asaṅgakarmānuṣṭhānarūpakarmayōgaviṣayā buddhiḥ sthitaprajñatāyōgasādhanabhūtā dvitīyē.dhyāyē prōktā. taduktam 'nityātmāsaṅgakarmēhāgōcarā sāṅkhyayōgadhīḥ. dvitīyē sthitadhīlakṣyā prōktā tanmōhaśāntayē৷৷' (gītārthasaṅgrahē 6) iti.