śrī bhagavānuvāca
anāśritaḥ karmaphalaṅ kāryaṅ karma karōti yaḥ.
sa saṅnyāsī ca yōgī ca na niragnirna cākriyaḥ৷৷6.1৷৷
श्रीमद् भगवद्गीता
৷৷6.1৷৷ anāśritaḥ na āśritaḥ anāśritaḥ. kim? karmaphalaṅ karmaṇāṅ phalaṅ karmaphalaṅ yat tadanāśritaḥ, karmaphalatṛṣṇārahita ityarthaḥ. yō hi karmaphalē tṛṣṇāvān saḥ karmaphalamāśritō bhavati, ayaṅ tu tadviparītaḥ, ataḥ anāśritaḥ karmaphalam. ēvaṅbhūtaḥ san kāryaṅ kartavyaṅnityaṅ kāmyaviparītam agnihōtrādikaṅ karma karōti nirvartayati yaḥ kaścit īdṛśaḥ karmī sa karmyantarēbhyō viśiṣyatē ityēvamarthamāha sa saṅnyāsī ca yōgī ca iti. saṅnyāsaḥ parityāgaḥ sa yasyāsti sa saṅnyāsī ca, yōgī ca yōgaḥ cittasamādhānaṅ sa yasyāsti sa yōgī ca iti ēvaṅguṇasaṅpannaḥ ayaṅ mantavyaḥ; na kēvalaṅ niragniḥ akriya ēva saṅnyāsī yōgī ca iti mantavyaḥ. nirgatāḥ agnayaḥ karmāṅgabhūtāḥ yasmāt sa niragniḥ, akriyaśca anagnisādhanā api avidyamānāḥ kriyāḥ tapōdānādikāḥ yasya asau akriyaḥ৷৷nanu ca niragnēḥ akriyasyaiva śrutismṛtiyōgaśāstrēṣu saṅnyāsitvaṅ yōgitvaṅ ca prasiddham. katham iha sāgnēḥ sakriyasya ca saṅnyāsitvaṅ yōgitvaṅ ca aprasiddhamucyatē iti. naiṣa dōṣaḥ, kayācit guṇavṛttyā ubhayasya saṅpipādayiṣitatvāt. tat katham? karmaphalasaṅkalpasaṅnyāsāt saṅnyāsitvam, yōgāṅgatvēna ca karmānuṣṭhānāt karmaphalasaṅkalpasya ca cittavikṣēpahētōḥ parityāgāt yōgitvaṅ ca iti gauṇamubhayam; na punaḥ mukhyaṅ saṅnyāsitvaṅ yōgitvaṅ ca abhiprētamityētamarthaō darśayitumāha
৷৷6.1৷৷śrībhagavānuvāca karmaphala svargādikam anāśritaḥ kāryaṅ karmānuṣṭhānamēva kāryaṅ sarvātmanāsmatsuhṛdbhūtaparamapuruṣārādhanarūpatayā karmaiva mama prayōjanaṅ na tatsādhyaṅ kiñcid iti yaḥ karma karōti, sa saṅnyāsī ca jñānayōganiṣṭhaśca yōgī ca karmayōganiṣṭhaśca. ātmāvalōkanarūpayōgasādhanabhūtōbhayaniṣṭha ityarthaḥ. na niragnicākriyaḥ na cōditayajñādikarmasu apravṛttaḥ, kēvalajñānaniṣṭhaḥ; tasya hi jñānaniṣṭhā ēva karmayōganiṣṭhasya tu ubhayam asti iti abhiprāyaḥ.uktalakṣaṇē karmayōgē jñānam api asti, ityāha