brahmaṇō hi pratiṣṭhā.hamamṛtasyāvyayasya ca.
śāśvatasya ca dharmasya sukhasyaikāntikasya ca৷৷14.27৷৷
श्रीमद् भगवद्गीता
৷৷14.27৷৷ --,brahmaṇaḥ paramātmanaḥ hi yasmāt pratiṣṭhā ahaṅ pratitiṣṭhati asmin iti pratiṣṭhā ahaṅ pratyagātmā. kīdṛśasya brahmaṇaḥ amṛtasya,avināśinaḥ avyayasya avikāriṇaḥ śāśvatasya ca nityasya dharmasya dharmajñānasya jñānayōgadharmaprāpyasya sukhasya ānandarūpasya aikāntikasya avyabhicāriṇaḥ amṛtādisvabhāvasya paramānandarūpasya paramātmanaḥ pratyagātmā pratiṣṭhā? samyagjñānēna paramātmatayā niścīyatē. tadētat 'brahmabhūyāya kalpatē (gītā 14.26)' iti uktam. yayā ca īśvaraśaktyā bhaktānugrahādiprayōjanāya brahma pratiṣṭhatē pravartatē? sā śaktiḥ brahmaiva aham? śaktiśaktimatōḥ ananyatvāt ityabhiprāyaḥ. athavā? brahmaśabdavācyatvāt savikalpakaṅ brahma. tasya brahmaṇō nirvikalpakaḥ ahamēva nānyaḥ pratiṣṭhā āśrayaḥ. kiṅviśiṣṭasya amṛtasya amaraṇadharmakasya avyayasya vyayarahitasya. kiṅ ca? śāśvatasya ca nityasya dharmasya jñānaniṣṭhālakṣaṇasya sukhasya tajjanitasya aikāntikasya ēkāntaniyatasya ca? 'pratiṣṭhā aham' iti vartatē৷৷iti śrīmatparamahaṅsaparivrājakācāryasya śrīgōvindabhagavatpūjyapādaśiṣyasya,śrīmacchaṅkarabhagavataḥ kṛtau śrīmadbhagavadgītābhāṣyē
caturdaśō.dhyāyaḥ৷৷
৷৷14.27৷৷hi śabdō hētau; yasmād aham avyabhicāribhaktiyōgēna sēvitaḥ amṛtasya avyayasya ca brahmaṇaḥ pratiṣṭhā? tathā śāśvatasya ca dharmasya atiśayitanityaiśvaryasya aikāntikasya sukhasya ca'vāsudēvaḥ sarvam' (gītā 8৷৷9) ityādinā nirdiṣṭasya jñāninaḥ prāpyasya sukhasya ityarthaḥ৷৷yadyapi śāśvatadharmaśabdaḥ prāpakavacanaḥ? tathāpi pūrvōttarayōḥ prāpyarūpatvēna tatsāhacaryād ayam api prāpyalakṣakaḥ৷৷
ētad uktaṅ bhavati pūrvatra'daivī hyēṣā guṇamayī mama māyā duratyayā৷৷māmēva yē prapadyantē' (gītā 7৷৷14) ityārabhya guṇātyayasya tatpūrvakākṣaraiśvaryabhagavatprāptīnāṅ ca bhagavatprapattyēkōpāyatāyāḥ pratipāditatvāt tadēkāntabhagavatprapattyēkōpāyō guṇātyayaḥ tatpūrvakabrahmabhāvaḥ ca iti.