mama yōnirmahadbrahma tasmin garbhaṅ dadhāmyaham.
saṅbhavaḥ sarvabhūtānāṅ tatō bhavati bhārata৷৷14.3৷৷
श्रीमद् भगवद्गीता
৷৷14.3৷৷ --,mama svabhūtā madīyā māyā triguṇātmikā prakṛtiḥ yōniḥ sarvabhūtānāṅ kāraṇam. sarvakāryēbhyō mahattvāt bharaṇācca svavikārāṇāṅ mahat brahma iti yōnirēva viśiṣyatē. asmin mahati brahmaṇi yōnau garbhaṅ hiraṇyagarbhasya janmanaḥ bījaṅ sarvabhūtajanmakāraṇaṅ bījaṅ dadhāmi nikṣipāmi kṣētrakṣētrajñaprakṛtidvayaśaktimān īśvaraḥ aham? avidyākāmakarmōpādhisvarūpānuvidhāyinaṅ kṣētrajñaṅ kṣētrēṇa saṅyōjayāmi ityarthaḥ. saṅbhavaḥ utpattiḥ sarvabhūtānāṅ hiraṇyagarbhōtpattidvārēṇa tataḥ tasmāt garbhādhānāt bhavati hē bhārata৷৷
৷৷14.3৷৷mama madīyaṅ kṛtsnasya jagatō yōnibhūtaṅ mahad brahma yat asmin garbhaṅ dadhāmi aham.'bhūmirāpō.nalō vāyuḥ khaṅ manō buddhirēva ca. ahaṅkāra itīyaṅ mē bhinnā prakṛtiraṣṭaghā৷৷apērayam' (gītā 7.4-5) iti nirdiṣṭā acētanā prakṛtiḥ mahadahaṅkārādivikārāṇāṅ kāraṇatayā'mahadbrahma' iti ucyatē. śrutau api kvacit prakṛtiḥ api brahma iti nirdiśyatē.'yaḥ sarvajñaḥ sarvavit? yasya jñānamayaṅ tapaḥ? tasmādētadbrahma nāmarūpamannaṅ ca jāyatē' (mu0 u0 1.1.9) iti
'itastvanyāṅ prakṛtiṅ viddhi mē parām. jīvabhūtām' (gītā 7.5) iti cētanapuñjarūpā yā prakṛti; nirdiṣṭā? sā iha sakalaprāṇibījatayā garbhaśabdēna ucyatē;tasmin acētanē yōnibhūtē mahati brahmaṇi cētanapuñjarūpaṅ garbhaṅ dadhāmi; acētanaprakṛtyā bhōgakṣētrabhūtayā bhōktṛvargapuñjabhūtāṅ cētanaprakṛtiṅ saṅyōjayāmi ityarthaḥ. ataḥ tasmāt prakṛtidvayasaṅyōgāt matsaṅkalpakṛtāt sarvabhūtānāṅ brahmādistambaparyantānāṅ sambhavō bhavati.kāryāvasthaḥ api citacitprakṛtisaṅsargō mayā ēva kṛtaḥ ityāha --