niyatasya tu saṅnyāsaḥ karmaṇō nōpapadyatē.
mōhāttasya parityāgastāmasaḥ parikīrtitaḥ৷৷18.7৷৷
श्रीमद् भगवद्गीता
৷৷18.7৷৷ --,niyatasya tu nityasya saṅnyāsaḥ parityāgaḥ karmaṇaḥ na upapadyatē? ajñasya pāvanatvasya iṣṭatvāt. mōhāt ajñānāt asya niyatasya parityāgaḥ -- niyataṅ ca avaśyaṅ kartavyam? tyajyatē ca? iti vipratiṣiddham; ataḥ mōhanimittaḥ parityāgaḥ āmasaḥ parikīrtitaḥ mōhaśca tamaḥ iti৷৷
৷৷18.7৷৷niyatasya nityanaimittikasya mahāyajñādēḥ karmaṇaḥ saṅnyāsaḥ tyāgō na upapadyatē.'śarīrayātrāpi ca tē na prasiddhyēdakarmaṇaḥ৷৷' (gītā 3.8) iti śarīrayātrāyā ēva asiddhēḥ. śarīrayātrā hi yajñaśiṣṭāśanēna nirvartyamānā samyag jñānāya prabhavati. anyathā'bhuñjatē tē tvaghaṅ pāpāḥ' (gītā 3.13) iti ayajñaśiṣṭāgharūpāśanāpyāyanaṅ manasō viparītajñānāya bhavati.
'annamayaṅ hi sōmya manaḥ' (chā0 u0 6.5.4) iti annēna hi mana āpyāyatē.'āhāraśuddhau sattvaśuddhiḥ sattvaśuddhau dhruvā smṛtiḥ. smṛtilambhē sarvagranthīnāṅ vipramōkṣaḥ' (cha0 u0 7.26.2) iti brahmasākṣātkārarūpaṅ jñānam āhāraśuddhyāyattamiti śrūyatē. tasmāt mahāyajñādinityanaimittikaṅ karma āprayāṇāt brahmajñānāya ēva upādēyam iti tasya tyāgō na upapadyatē.
ēvaṅ jñānōtpādinaḥ karmaṇō bandhakatvamōhāt parityāgaḥ tāmasaḥ parikīrtitaḥ. tamōmūlaḥ tyāgaḥ tāmasaḥ? tamaḥkāryājñānamūlatvēna tyāgastha tamōmūlatvam. tamō hi ajñānasya mūlam'pramādamōhau tamasō bhavatō.jñānamēva ca৷৷' (gītā 14.17) iti atra uktam. ajñānaṅ tu jñānavirōdhiviparītajñānam. tathā ca vakṣyatē -- 'adharmaṅ dharmamiti yā manyatē tamasāvṛtā. sarvārthānviparītāṅśca buddhiḥ sā pārtha tāmasī৷৷' (gītā 18.32) iti. atō nityanaimittikādēḥ karmaṇaḥ tyāgō viparītajñānamūla ēva ityarthaḥ.