arjuna uvāca
yē śāstravidhimutsṛjya yajantē śraddhayā.nvitāḥ.
tēṣāṅ niṣṭhā tu kā kṛṣṇa sattvamāhō rajastamaḥ৷৷17.1৷৷
श्रीमद् भगवद्गीता
৷৷17.1৷৷ --,yē kēcit aviśēṣitāḥ śāstravidhiṅ śāstravidhānaṅ śrutismṛtiśāstracōdanām utsṛjya parityajya yajantē dēvādīn pūjayanti śraddhayā anvitāḥ śraddhayā āstikyabuddhyā anvitāḥ saṅyuktāḥ santaḥ -- śrutilakṣaṇaṅ smṛtilakṣaṇaṅ vā kañcit śāstravidhim apaśyantaḥ vṛddhavyavahāradarśanādēva śraddadhānatayā yē dēvādīn pūjayanti? tē iha 'yē śāstravidhimutsṛjya yajantē śraddhayānvitāḥ' ityēvaṅ gṛhyantē. yē punaḥ kañcit śāstravidhiṅ upalabhamānā ēva tam utsṛjya ayathāvidhi dēvādīn pūjayanti? tē iha 'yē śāstravidhimutsṛjya yajantē' iti na parigṛhyantē. kasmāt śraddhayā anvitatvaviśēṣaṇāt. dēvādipūjāvidhiparaṅ kiñcit śāstraṅ paśyanta ēva tat utsṛjya aśraddadhānatayā tadvihitāyāṅ dēvādipūjāyāṅ śraddhayā anvitāḥ pravartantē iti na śakyaṅ kalpayituṅ yasmāt? tasmāt pūrvōktā ēva 'yē śāstravidhimutsṛjya yajantē śraddhayānvitāḥ' ityatra gṛhyantē. ēṣām ēvaṅbhūtānāṅ niṣṭhā u kā kṛṣṇa sattvam āhō rajaḥ tamaḥ? kiṅ sattvaṅ niṣṭhā avasthānam? āhōsvit rajaḥ? athavā tamaḥ iti. ētat uktaṅ bhavati -- yā tēṣāṅ dēvādiviṣayā pūjā? sā kiṅ sāttvikī? āhōsvit rājasī? uta tāmasī iti৷৷sāmānyaviṣayaḥ ayaṅ praśnaḥ na apravibhajya prativacanam arhatīti śrībhagavānuvāca --,śrībhagavānuvāca --,
৷৷17.1৷৷arjuna uvāca -- śāstravidhim utsṛjya śraddhayānvitā yē yajantē tēṣāṅ niṣṭhā kā kiṅ satvam āhō svit rajaḥ atha amaḥniṣṭhā sthitiḥ? sthīyatē asmin iti sthitiḥ? sattvādiḥ ēva niṣṭhā iti ucyatē? tēṣāṅ kiṅ sattvē sthitiḥ kiṅ vā rajasi kiṅ vā tamasi ityarthaḥ.ēvaṅ pṛṣṭaḥ bhagavān aśāstravihitaśraddhāyāḥ tatpūrvakasya ca yāgādēḥ niṣphalatvaṅ hṛdi nidhāya śāstrīyasya ēva yāgādēḥ guṇataḥ traividhyaṅ pratipādayituṅ śāstrīyaśraddhāyāḥ traividhyaṅ tāvad āha --