karmakartṛvyapadēśācca..1.2.4..

..1.2.4..

itaśca na śārīrō manōmayatvādiguṇaḥ; yasmātkarmakartṛvyapadēśō bhavati -- 'ētamitaḥ prētyābhisaṅbhavaitāsmi' iti. ētamiti prakṛtaṅ manōmayatvādiguṇamupāsyamātmānaṅ karmatvēna prāpyatvēna vyapadiśati; abhisaṅbhavitāsmīti śārīramupāsakaṅ kartṛtvēna prāpakatvēna. abhisaṅbhavitāsmīti prāptāsmītyarthaḥ. na ca satyāṅ gatāvēkasya karmakartṛvyapadēśō yuktaḥ. tathōpāsyōpāsakabhāvō.pi bhēdādhiṣṭhāna ēva. tasmādapi na śārīrō manōmayatvādiviśiṣṭaḥ..