ācāradarśanāt..3.4.3..

..3.4.3..

'janakō ha vaidēhō bahudakṣiṇēna yajñēnējē' 'yakṣyamāṇō vai bhagavantō.hamasmi' ityēvamādīni brahmavidāmapi anyaparēṣu vākyēṣu karmasaṅbandhadarśanāni bhavanti. tathā uddālakādīnāmapi putrānuśāsanādidarśanāt gārhasthyasaṅbandhō.vagamyatē. kēvalāccēt jñānāt puruṣārthasiddhiḥ syāt, kimartham anēkāyāsasamanvitāni karmāṇi tē kuryuḥ? 'atkē cēnmadhu vindēta kimarthaṅ parvataṅ vrajēt' iti nyāyāt..