yasmātkṣaramatītō.hamakṣarādapi cōttamaḥ.
atō.smi lōkē vēdē ca prathitaḥ puruṣōttamaḥ৷৷15.18৷৷
श्रीमद् भगवद्गीता
৷৷15.18৷৷ --,yasmāt kṣaram atītaḥ ahaṅ saṅsāramāyāvṛkṣam aśvatthākhyam atikrāntaḥ aham akṣarādapi saṅsāramāyārūpavṛkṣabījabhūtādapi ca uttamaḥ utkṛṣṭatamaḥ ūrdhvatamō vā? ataḥ tābhyāṅ kṣarākṣarābhyām uttamatvāt asmi lōkē vēdē ca prathitaḥ prakhyātaḥ. puruṣōttamaḥ ityēvaṅ māṅ bhaktajanāḥ viduḥ. kavayaḥ kāvyādiṣu ca idaṅ nāma nibadhnanti. puruṣōttama ityanēnābhidhānēnābhigṛṇanti৷৷atha idānīṅ yathāniruktam ātmānaṅ yō vēda? tasya idaṅ phalam ucyatē --,
৷৷15.18৷৷yasmād ēvama uktaiḥ svabhāvaiḥ kṣaraṅ puruṣam atītaḥ aham? akṣarāt muktād api uktaiḥ hētubhiḥ utkṛṣṭatamaḥ? ataḥ ahaṅ lōkē vēdē ca puruṣōttamaḥ iti prathitaḥ asmi. vēdārthāvalōkanāt lōka iti smṛtiḥ iha ucyatē. śrutau smṛtau ca ityarthaḥ.
śrutau tāvat -- 'paraṅ jyōtirūpaṅ saṅpadya svēna rūpēṇābhiniṣpadyatē sa uttamaḥ puruṣaḥ' (cha0 u0 8.12.3) ityādau. smṛtau api'aṅśāvatāraṅ puruṣōttamasya hyanādimadhyāntamajasya viṣṇōḥ.' (vi0 pu 5.17.33) ityādau.