iti guhyatamaṅ śāstramidamuktaṅ mayā.nagha.
ētadbuddhvā buddhimānsyātkṛtakṛtyaśca bhārata৷৷15.20৷৷
श्रीमद् भगवद्गीता
৷৷15.20৷৷ -- iti ētat guhyatamaṅ gōpyatamam? atyantarahasyaṅ ityētat. kiṅ tat śāstram. yadyapi gītākhyaṅ samastam 'śāstram' ucyatē? tathāpi ayamēva adhyāyaḥ iha 'śāstram' iti ucyatē stutyarthaṅ prakaraṇāt. sarvō hi gītāśāstrārthaḥ asmin adhyāyē samāsēna uktaḥ. na kēvalaṅ gītāśāstrārtha ēva? kiṅtu sarvaśca vēdārthaḥ iha parisamāptaḥ. 'yastaṅ vēda sa vēdavit (gītā 15.1)' 'vēdaiśca sarvairahamēva vēdyaḥ (gītā 15.15)' iti ca uktam. idam uktaṅ kathitaṅ mayā hē anagha apāpa. ētat śāstraṅ yathādarśitārthaṅ buddhvā buddhimān syāt bhavēt na anyathā kṛtakṛtyaśca bhārata kṛtaṅ kṛtyaṅ kartavyaṅ yēna saḥ kṛtakṛtyaḥ; viśiṣṭajanmaprasūtēna brāhmaṇēna yat kartavyaṅ tat sarvaṅ bhagavattattvē viditē kṛtaṅ bhavēt ityarthaḥ; na ca anyathā kartavyaṅ parisamāpyatē kasyacit ityabhiprāyaḥ.' sarvaṅ karmākhilaṅ pārtha jñānē parisamāpyatē (gītā 4.33)' iti ca uktam. 'ētaddhi janmasāmagryaṅ brāhmaṇasya viśēṣataḥ. prāpyaitatkṛtakṛtyō hi dvijō bhavati nānyathā (manusmṛti 12.93)' iti ca mānavaṅ vacanam. yataḥ ētat paramārthatattvaṅ mattaḥ śrutavān asi? ataḥ kṛtārthaḥ tvaṅ bhārata iti৷৷
iti śrīmatparamahaṅsaparivrājakācāryasya śrīgōvindabhagavatpūjyapādaśiṣyasya,śrīmacchaṅkarabhagavataḥ kṛtau śrīmadbhagavadgītābhāṣyē
pañcadaśō.dhyāyaḥ৷৷
৷৷15.20৷৷itthaṅ mama puruṣōttamatvapratipādanaṅ sarvēṣāṅ guhyānāṅ guhyatamam idaṅ śāstraṅ tvam anaghatayā yōgyatama iti kṛtvā mayā tava uktam. ētad buddhvā buddhimān syāt kṛtakṛtyaḥ ca māṅ prēpsunā upādēyā yā buddhiḥ sā sarvā upāttā syāt. yat ca tēna kartavyam? tat ca sarvaṅ kṛtaṅ syād ityarthaḥ.anēna ślōkēna anantarōktaṅ puruṣōttamaviṣayaṅ jñānaṅ śāstrajanyam ēva ētat sarvaṅ karōti; na tu sākṣātkārarūpam iti ucyatē.