vyāmiśrēṇēva vākyēna buddhiṅ mōhayasīva mē.
tadēkaṅ vada niśicatya yēna śrēyō.hamāpnuyām৷৷3.2৷৷
श्रीमद् भगवद्गीता
৷৷3.2৷৷ vyāmiśrēṇēva, yadyapi viviktābhidhāyī bhagavān, tathāpi mama mandabuddhēḥ vyāmiśramiva bhagavadvākyaṅ pratibhāti. tēna mama buddhiṅ mōhayasi iva, mama buddhivyāmōhāpanayāya hi pravṛttaḥ tvaṅ tu kathaṅ mōhayasi? ataḥ bravīmi buddhiṅ mōhayasi iva mē mama iti. tvaṅ tu bhinnakartṛkayōḥ jñānakarmaṇōḥ ēkapuruṣānuṣṭhānāsaṅbhavaṅ yadi manyasē, tatraivaṅ sati at ayōḥ ēkaṅ buddhiṅ karma vā idamēva arjunasya yōgyaṅ buddhiśaktyavasthānurūpamiti niścitya vada brūhi, yēna jñānēna karmaṇā vā anyatarēṇa śrēyaḥ aham āpnuyāṅ prāpnuyām; iti yaduktaṅ tadapi nōpapadyatē৷৷yadi hi karmaniṣṭhāyāṅ guṇabhūtamapi jñānaṅ bhagavatā uktaṅ syāt , tat kathaṅ tayōḥ 'ēkaṅ vada' iti ēkaviṣayaiva arjunasya śuśrūṣā syāt. na hi bhagavatā pūrvamuktam 'anyataradēva jñānakarmaṇōḥ vakṣyāmi, naiva dvayam' iti, yēna ubhayaprāptyasaṅbhavam ātmanō manyamānaḥ ēkamēva prārthayēt৷৷praśnānurūpamēva prativacanaṅ śrībhagavānuvāca
৷৷3.2৷৷atō vyāmiśravākyēna māṅ mōhayasi iva iti mē pratibhāti; tathā hi ātmāvalōkanasādhanabhūtāyāḥ sarvēndriyavyāpārōparatirūpāyā jñānaniṣṭhāyāḥ tadviparyayarūpaṅ karma sādhanaṅ tad ēva kuru iti vākyaṅ viruddhaṅ vyāmiśram ēva; tasmād ēkam amiśrarūpaṅ vākyaṅ vada; yēna vākyēna aham anuṣṭhēyarūpaṅ niścitya ātmanaḥ śrēyaḥ prāpnuyām.