Introduction for Chapter 1, Quarter 2

..prathamō.dhyāyaḥ..
..dvitīyaḥ pādaḥ..

prathamē pādē 'janmādyasya yataḥ' ityākāśādēḥ samastasya jagatō janmādikāraṇaṅ brahmētyuktam. tasya samastajagatkāraṇasya brahmaṇō vyāpitvaṅ nityatvaṅ sarvajñatvaṅ sarvaśaktitvaṅ sarvātmakatvamityēvaṅ jātīyakā dharmā uktā ēva bhavanti. arthāntaraprasiddhānāṅ ca kēṣāṅcicchabdānāṅ brahmaviṣayatvahētupratipādanēna kānicidvākyāni spaṣṭabrahmaliṅgāni saṅdihyamānāni brahmaparatayā nirṇītāni. punarapyanyāni vākyānyaspaṣṭabrahmaliṅgāni saṅdihyantē -- kiṅ paraṅ brahma pratipādayanti, āhōsvidarthāntaraṅ kiṅciditi. tannirṇayāya dvitīyatṛtīyau pādāvārabhyētē --