avibhāgēna dṛṣṭatvāt..4.4.4..

avibhāgādhikaraṇam..4.4.4..

paraṅ jyōtirupasaṅpadya svēna rūpēṇābhiniṣpadyatē yaḥ, sa kiṅ parasmādātmanaḥ pṛthagēva bhavati, uta
avibhāgēnaivāvatiṣṭhata iti vīkṣāyām, 'sa tatra paryēti' ityadhikaraṇādhikartavyanirdēśāt 'jyōtirupasaṅpadya' iti ca kartṛkarmanirdēśāt bhēdēnaivāvasthānamiti yasya matiḥ, taṅ vyutpādayati -- avibhakta ēva parēṇa ātmanā muktō.vatiṣṭhatē; kutaḥ? dṛṣṭatvāt; tathā hi -- 'tattvamasi' 'ahaṅ brahmāsmi' 'yatra nānyatpaśyati' 'na tu taddvitīyamasti tatō.nyadvibhaktaṅ yatpaśyēt' ityēvamādīni vākyānyavibhāgēnaiva paramātmānaṅ darśayanti; yathādarśanamēva ca phalaṅ yuktam, tatkratunyāyāt; 'yathōdakaṅ śuddhē śuddhamāsiktaṅ tādṛgēva bhavati. ēvaṅ munērvijānata ātmā bhavati gautama' iti ca ēvamādīni muktasvarūpanirūpaṇaparāṇi vākyānyavibhāgamēva darśayanti; nadīsamudrādinidarśanāni ca. bhēdanirdēśastu abhēdē.pyupacaryatē 'sa bhagavaḥ kasminpratiṣṭhita iti svē mahimni' iti, 'ātmaratirātmakrīḍaḥ' iti ca ēvamādidarśanāt..